「單車征服澳洲」之前我未試過用單車長途旅行,莫講話專業單車知識,出發前我甚至連點換呔都唔識,係Perth既時候舊單車爆呔甚至成條外呔都換左…哈哈。所以其實end up走到咁遠都咪話唔神奇。
135日既冒險令我領會到單車旅行既真理係:隨心所慾,喜歡就好。預計路線真係參考下就算,一路上識到既朋友都會比到我唔同既地理資訊,路線改下改下最後同預計路線都偏離幾大。況且計劃階段太樂觀,或者話太chur,預每四日休息一日,每日80km,但好多時候好多地方都值得多留幾天,所以…fuck the schedule, haha。
單車征服澳洲計劃分為三個階段:
第一階段:柏斯(Perth)到達爾文(Darwin),由西澳的首府到澳洲的最北端,感受熱帶氣候的澳洲。
第二階段: 達爾文(Darwin)到阿德萊德(Adelaide),一直沿著Stuart Highway由北到南分割澳洲,體驗內陸沙漠的景致。
第三階段: 阿德萊德(Adelaide)到布尼斯本(Brisbane),享受繁華城市化的東岸
這是大致的路線圖,詳細請參看以下Excel workbook及Google Earth 路程記錄。預計路線圖檔案為.kml,在Google Earth 按open就可以睇得好清楚喇。
由於維多利亞地區(Victoria)和昆士蘭地區(Queensland)非常繁華,到處都有各種營地宿舍,故此不浪費時間編排預計路線,到時到候再決定往哪走。